શુક્રવારે ધરપકડ કરાયેલા આરોપી 104 કેટેગરીમાં મૂકવામાં આવેલા લગભગ 66.9 કરોડ વ્યક્તિઓ અને સંગઠનોના ખાનગી અને ગોપનીય ડેટા વેચતો હોવાનું જાણવા મળ્યું હતું. આરોપીઓના કબજામાં રહેલા કેટલાક મહત્વપૂર્ણ ડેટામાં સંરક્ષણ કર્મચારીઓ, સરકારી કર્મચારીઓ, પાન કાર્ડ ધારકો, ધોરણ 9, 10, 11 અને 12ના વિદ્યાર્થીઓ, વરિષ્ઠ નાગરિકો, દિલ્હીના વીજળી ગ્રાહકો, ડી-મેટ ખાતાધારકો, વિવિધ વ્યક્તિઓની વિગતોનો સમાવેશ થાય છે. NEETના વિદ્યાર્થીઓ, શ્રીમંત વ્યક્તિઓ, વીમા ધારકો, ક્રેડિટ કાર્ડ અને ડેબિટ કાર્ડ ધારકોનો ડેટા અને મોબાઈલ નંબર સામેલ છે.
પોલીસે બે મોબાઈલ ફોન અને બે લેપટોપ અને સરકારી, ખાનગી સંસ્થાઓ અને વ્યક્તિઓની સંવેદનશીલ માહિતી ધરાવતો એકસોથી વધુ કેટેગરીના ડેટા જપ્ત કર્યા છે. આરોપી હરિયાણાના ફરીદાબાદમાં ઈન્સ્પાયરવેબ્ઝ નામની વેબસાઈટ દ્વારા ઓપરેટ કરતો હતો અને ‘ક્લાઉડ ડ્રાઈવ લિંક્સ’ દ્વારા ગ્રાહકોને ડેટા વેચતો હતો. પોલીસે બે મોબાઈલ ફોન, બે લેપટોપ અને સરકારી, ખાનગી સંસ્થાઓ અને વ્યક્તિઓની સંવેદનશીલ માહિતી જપ્ત કરી છે.
કેવી રીતે લીક થાય છે ડેટા
ઈનસાઈડર ડેટા લીંક: કોઈ કર્મચારી જાણીને થર્ડ પાર્ટી સાથે ડેટા શેર કરે છે.
એક્સિડેન્ટલ ડેટા લીંક: હેકર્સ કોઈ કંપનીના નેચવર્ક સિસ્ચમને એક્સેસ કરે છે.
અવેરનેસની ઉણપ: સાઈબર ક્રિમિનલ્સ ફિશિંગ અને OTP સ્કેમથી ડેટા લીક કરી દે છે.
કેટલા પ્રકારના હોય છે યુઝર ડેટા
1.પર્સનલ ઈન્ફોર્મેશન: નામ, ઈમેલ આઈડી, ફોન નંબર અને સરનામુ
2. ડેમોગ્રાફ્રિક ડેટા: ઉંમર, જેન્ડર, એજ્યુકેશન લેવલ, ધંધો
3. બિહેવિયરલ ડેટા: વેબસાઈટ વિઝિટ, બ્રાઉસિંગ હિસ્ટ્રી, ક્લિક્સ અને કૂકીઝ
4. લોકેશન ડેટા: ફિઝિકલ લોકેશન, સરનામુ, જીપીએસ
5. ડિવાઈસ ડેટા: ડિવાઈસ ટાઈપ, ઓપરેટિંગ સિસ્ટમ, બ્રાઉઝર વર્ઝન
6. પેમેંટ ડેટા: બિલિંગ એડ્રેસ, કાર્ડ નંબર, એકાઉન્ટ નંબર
ડેટા શું છે?
ડેટા શું છે તે પ્રશ્ન ખૂબ જ મહત્વપૂર્ણ છે. વપરાશકર્તા ડેટામાં વિવિધ પ્રકારની માહિતીનો સમાવેશ થાય છે. જેમ કે વપરાશકર્તાનું નામ, જન્મ તારીખ, પાસવર્ડ, મોબાઈલ નંબર, વપરાશકર્તા નામ, સ્થાન, સરનામું, એકાઉન્ટ નંબર, તેમની પ્રવૃત્તિઓ પ્રત્યે વપરાશકર્તાની વર્તણૂક અને કૂકીઝની ડેટામાં સામેલ થાય છે.
ડેટાનો દુરુપયોગ કેવી રીતે થાય છે?
અલગ-અલગ ડેટાના આધારે અલગ-અલગ છેતરપિંડી થાય છે. ઉદાહરણ તરીકે, જો સાયબર અપરાધીઓને તમારો ફોન નંબર, જન્મ તારીખ અને જો લોકેશન ડેટા મળે છે, તો તેના આધારે સાયબર અપરાધીઓ તમારા વર્તનને ટ્રેક કરવાનું શરૂ કરે છે. તમારી એક ભૂલ અને તમારું બેંક ખાતું ખાલી થઈ શકે છે…
આ પણ વાંચો: ChatGPT નો જાદુ! યોગ્ય રોગ શોધીને બચાવ્યો જીવ, જેને ડૉક્ટરો પણ ન સમજી શક્યા
શું તમારો ડેટા પણ લીક થયો છે? આ રીતે જાણો…
જો તમને લાગે છે કે તમારી માહિતી ડેટા લીકમાં સામેલ છે, તો તમે આ વેબસાઇટ પરથી જાણી શકો છો. https://haveibeenpwned.com/ તે સ્વતંત્ર સુરક્ષા સંશોધક દ્વારા તૈયાર કરવામાં આવ્યું છે. તેને ખોલો અને તમારું ઈમેલ આઈડી દાખલ કરો અને આ વેબસાઈટ તમને જણાવશે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: CYBER CRIME, Data Leak, Online fraud
