માથાનો દુઃખાવો કે ચક્કર આવવા! સાવ સામાન્ય લાગતા આ લક્ષણોને નજરઅંદાજ ન કરશો, બ્રેન સ્ટ્રોકનું સંકટ

Symptoms of Brain Stroke: બ્રેઇન સ્ટ્રોક (Brain Stroke)ના કેસોમાં નોંધપાત્ર વધારો થયો છે. આ રોગ મોટે ભાગે યુવા વસ્તીમાં જોવા મળી રહ્યો છે. બ્રેઇન સ્ટ્રોક એ ન્યુરોલોજીકલ સ્થિતિ છે જેમાં મગજની અંદર અચાનક હુમલો (Brain Attack) આવે છે. બ્રેઇન સ્ટ્રોકની સમસ્યા (Problem of Brain Stroke) આપણા મગજને લોહી પહોંચાડતી રક્તવાહિનીઓ ફાટવાથી થાય છે અથવા મગજની ચેતામાં અવરોધ ઊભો થાય છે. દેશમાં દર વર્ષે લગભગ 18 લાખ લોકો બ્રેઈન સ્ટ્રોકની સમસ્યાનો સામનો કરે છે અને આમાંથી લગભગ 30 ટકા લોકો તેનાથી મૃત્યુ પામે છે.

બ્રેન સ્ટ્રોક કે મગજનો હુમલો આપણા સ્વાસ્થ્ય (Health) માટે ખતરનાક છે. તે આપણા મગજના અમુક ભાગને નુકસાન પહોંચાડે છે અથવા તે તેની અતિશય તીવ્ર કારણે અપંગતા અથવા મૃત્યુ તરફ દોરી શકે છે. સમયસર સારવાર થઈ શકે તે માટે સ્ટ્રોકના લક્ષણો જાણવા આપણા માટે ખૂબ જ જરૂરી છે.

ટાઇમ્સ ઓફ ઇન્ડિયાના સમાચાર અનુસાર, સ્ટ્રોકના સંકેતો થોડા મહિના પહેલા જ મળવા લાગે છે, પરંતુ ઘણા લોકો તેની અવગણે છે, જેના કારણે ગંભીર પરિણામો આવે છે. તો ચાલો જાણીએ બ્રેન એટેકના લક્ષણો (Symptoms of Brain Stroke) વિશે

-બ્રેન સ્ટ્રોકના પ્રારંભિક લક્ષણો એકદમ સામાન્ય હોય છે. અને તે કારણ છે કે લોકો તેને ગંભીરતાથી લેતા નથી. નિષ્ણાંતોનું કહેવું છે કે ચક્કર આવવા, માથું ફરવું, ચક્કર આવીને પડી જવું આ બધા બ્રેન સ્ટ્રોકના લક્ષણ હોઈ શકે છે. જો આવું કંઈ પણ થાય છે, તો તમારે તમારા હેલ્થ એક્સપર્ટની તાત્કાલિક સલાહ લેવી જોઈએ.

-વર્ટેબ્રોબેસિલર ધમની સેરેબેલમ, પોન્સ, મિડબ્રેઇન, થેલેમસ અને ઓસીપિટલ કોર્ટેક્સ પ્રવાહી પૂરું પાડે છે. જ્યારે કરોડરજ્જુમાં લોહીનો પ્રવાહ બંધ થવા માંડે ત્યારે તે પોસ્ટીરીયર સર્ક્યુલેશન સ્ટ્રોકનું કારણ બને છે.

-સ્ટ્રોક એસોસિએશન નોંધે છે કે, કેટલીક વખત આ ચિહ્નો સ્ટ્રોક આવવાના અઠવાડિયા અથવા મહિનાઓ પહેલાં અથવા પછી ઉભરી શકે છે. સ્ટ્રોક પહેલાંના સંકેતો હળવા અને ક્ષણિક ઇસ્કેમિક એટેક છે. જ્યારે તમને મગજનો સામાન્ય હુમલો આવે છે, ત્યારે તેનું એક મોટું કારણ મગજમાં ઓક્સિજનની અસ્થાયી અછત હોઈ શકે છે.

-કોઈ મોટી સમસ્યા વગર માથામાં અચાનક દુ:ખાવો થવો અને ચાલવામાં તકલીફ થવી એ બ્રેન સ્ટ્રોકનો મોટો સંકેત છે.

-જો તમને અચાનક ચક્કર આવે છે, શરીરનું સંતુલન જાળવવામાં તકલીફ પડે છે અથવા વધારે પ્રકાશમાં જોઇ શકતા નથી, તો તે બ્રેન સ્ટ્રોકનો સંકેત હોઈ શકે છે.

આ પણ વાંચો: HEALTH MEDICATIONS: ભોજન સાથે ક્યારેય ન લો આ દવાઓ, થઇ શકે છે મુશ્કેલીસ્વાસ્થ્ય

-ચક્કર આવવા ઉપરાંત બ્રેઈન સ્ટ્રોકના શરૂઆતના સંકેતોમાં હાથની નબળાઈ, પગમાં નબળાઈ, શરીરના એક ભાગમાં લકવો સામેલ છે.

-બ્રેઇન સ્ટ્રોકથી પીડાતા લોકોને ઘણીવાર શબ્દો ભૂલી જવાની ટેવ હોય છે. તેઓ યોગ્ય શબ્દ પસંદ કરી શકતા નથી. તેનાથી દ્રષ્ટિને પણ નુકસાન થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Brain stroke, Good Health, Health care tips, Health News, મગજ Brain