Vat Savitri Vrat 2023 : વડ સાવિત્રી વ્રત પર બની રહ્યા છે 2 શુભ સંયોગ, જાણો પૂજાવિધિ અને મુહૂર્ત

Astrology

oi-Hardev Rathod

Vat Savitri Vrat 2023 : હિન્દુ ધર્મમાં વડ સાવિત્રી વ્રતને વધુ મહત્વપૂર્ણ માનવામાં આવે છે. આ વ્રત વિવાહિત મહિલાઓ પોતાના પતિના લાંબા આયુષ્ય માટે રાખે છે. વડ સાવિત્રીનું પર્વ જેઠ માસની અમાસની તિથિના રોજ ઉજવવામાં આવે છે.

આ વખતે આ ઉપવાસ 19મી મેના રોજ રાખવામાં આવશે. 19 મેના રોજ પરિણીત મહિલાઓ વડ સાવિત્રી વ્રત રાખશે અને વડવૃક્ષની પૂજા કરશે. વડ સાવિત્રી વ્રતની કથા સાંભળશે, કારણ કે કથા વાંચ્યા કે સાંભળ્યા વિના આ વ્રત અધૂરું ગણાય છે.

હિન્દી કેલેન્ડર મુજબ, જ્યેષ્ઠ અમાસની તિથિ 18 મેના રોજ રાત્રે 9.42 કલાકથી શરૂ થશે અને 19મી મેના રોજ રાત્રે 9.22 કલાક સુધી

ચાલશે. ઉદય તિથિ અનુસાર વડ સાવિત્રી વ્રત 19મી મેના રોજ મનાવવામાં આવશે. અત્રે ઉલ્લેખનીય છે કે, ગુજરાતી કેલેન્ડર અનુસાર, વડ સાવિત્રીનું વ્રત જેઠ સુદ અગિયારસથી શરૂ કરીને પૂનમના દિવસે પૂરું થાય છે. ઘણી બહેનો જેઠ સુદ તેરસથી પણ આ વ્રતનો આરંભ કરતી હોય છે.

એવું માનવામાં આવે છે કે, સાવિત્રી વ્રત રાખવાથી કરવા ચોથના ઉપવાસ સમાન ફળ મળે છે. આ વખતે વડ સાવિત્રી વ્રતના દિવસે ગજ કેસરી યોગ અને શશ રાજ યોગ પણ મનાવવામાં આવી રહ્યો છે. આ બંને યોગ પૂજા અને શુભ કાર્ય કરવા માટે ખૂબ જ શુભ માનવામાં આવ્યા છે.

વડ સાવિત્રીના દિવસે બ્રહ્મ મુહૂર્તમાં વહેલી સવારે ઊઠીને સ્નાન કરવું. પછી લાલ કે પીળા વસ્ત્રો પહેરો. સોળે શણગાર શજી લો. આ પછી ભગવાન વિષ્ણુ અને માતા લક્ષ્મીનું ધ્યાન કરતી વખતે, વ્રતનું વ્રત લો. ત્યારબાદ વડવૃક્ષ નીચે બેસી પૂજા કરો. ઝાડની 7 પરિક્રમા કરતી વખતે સુતરની દોરી વીંટો.

સાવિત્રી અને સત્યવાનની વાર્તા વાંચો કે, સાંભળો. વડના ઝાડને મેકઅપની વસ્તુઓ, મોસમી ફળ, ફૂલ ચઢાવો. પૂજામાં પલાળેલા ચણા અવશ્ય ચઢાવો. અંતમાં ઘરના વડીલોના આશીર્વાદ લો. એવું માનવામાં આવે છે કે, વડ સાવિત્રી વ્રત રાખવાથી અને વિધિ-વિધાન અનુસાર પૂજા કરવાથી પતિનું આયુષ્ય લાંબુ થાય છે. તેની સાથે ઘરમાં સુખ, શાંતિ, વૈભવ અને ઐશ્વર્ય રહે છે.