Kedar Yog 2023 : 500 વર્ષ બાદ બનશે કેદાર યોગ, આ રાશિ પર થશે પૈસાનો વરસાદ

Astrology

oi-Hardev Rathod

Kedar Yog 2023 : વૈદિક જ્યોતિષ શાસ્ત્રમાં જણાવ્યા અનુસાર અમુક ગ્રહ આપણા માટે શુભ સાબિત થાય છે, તો ઘણા ગ્રહો અશુભ હોય છે. આ ગ્રહો નિયત સમયમાં એક રાશિમાંથી બીજી રાશિમાં પ્રવેશ કરે છે.

આવામાં એક રાશિમાં એકથી વધુ ગ્રહો એકઠા થાય, ત્યારે સંયોગ કે યુતિ બને છે. જેના કારણે રાજયોગનું સર્જન થાય છે. આ રાજયોગ દરેક રાશિ પર અલગ અલગ અસર કરે છે. આવો જ એક યોગ એટલે કેદાર યોગ છે. જેનું નિર્માણ ટૂંક સમયમાં થવા જઇ રહ્યું છે.

23 એપ્રિલના રોજ કેદાર યોગનું સર્જન થશે. કેદાર યોગ શુભ ગ્રહયોગ છે, જે 500 વર્ષ બાદ રચાયો છે. કેદાર યોગ ખૂબ જ શુભ અને દુર્લભ સંયોજન છે, જેની સકારાત્મક અસર રાશિચક્રમાં જોવા મળશે, પરંતુ કેટલીક રાશિઓ પર તેની ખાસ અસર પડશે.

શું છે કેદાર યોગ?

જ્યારે વ્યક્તિની કુંડળીમાં ચારેય ઘરોમાં સાતેય ગ્રહો વિદ્યમાન હોય છે, ત્યારે તે એક શુભ અને દુર્લભ સંયોગ બની જાય છે. જ્યોતિષ શાસ્ત્ર અનુસાર, કેદાર યોગ રાશિના જાતકોને ભૌતિક સંપત્તિમાં સમૃદ્ધિ, આવકમાં વધારો અને જીવનમાં સકારાત્મક પરિણામો જેવા લાભ આપે છે. કેદાર યોગ માતૃ સુખમાં વધારો કરે છે. આ સાથે જમીન-સંપત્તિ અને ધન લાભ આપે છે.

મેષ રાશિ પર કેદાર યોગની અસર – મેષ રાશિના લોકો માટે કેદાર યોગ શુભ રહેશે. મેષ રાશિની સંક્રમણ કુંડળીમાં સૂર્ય, ગુરુ, રાહુ અને બુધ પ્રથમ ભાવમાં, શુક્ર બીજામાં, ચંદ્ર અને મંગળ ત્રીજા ભાવમાં જ્યારે શનિ અગિયારમા ભાવમાં રહેશે. આ સમય દરમિયાન તમને આકસ્મિક ધનલાભનો યોગ મળશે. આ સાથે માન-સન્માનમાં પણ વધારો થશે.

સિંહ રાશિ પર કેદાર યોગની અસર – સિંહ રાશિના લોકોના સાતમા, નવમા, દસમા અને અગિયારમા ઘરમાં સાત ગ્રહો સ્થિત છે. કેદાર યોગ તમારા માટે અદ્ભુત સાબિત થશે. 23 એપ્રિલ બાદ તમને સારા સમાચાર મળી શકે છે. આ દરમિયાન નોકરીમાં પ્રમોશન, આવકમાં વધારો અથવા નોકરી બદલવાની સંભાવના છે.

ધન રાશિ પર કેદાર યોગની અસર – ધન રાશિ ત્રીજી અને છેલ્લી રાશિ છે, જે કેદાર યોગના જાતકો માટે ખૂબ જ શુભ રહેવાની છે. આ દરમિયાન સાત ત્રીજા, છઠ્ઠા અને સાતમા ભાવમાં રહેશે અને કેદાર યોગ બનાવશે. રોકાણ માટે આ સમય શ્રેષ્ઠ માનવામાં આવે છે. શેર માર્કેટમાં રોકાણ કરવા માટે આ સૌથી શુભ સમય હશે.