Navpancham Yog 2022: 13 નવેમ્બરે બુધના સંક્રમણ સાથે ગુરુ અને બુધનો નવપંચમ રાજયોગ રચાયો હતો ત્યારે હવે આજે એટલે 16 નવેમ્બરે સૂર્ય વૃશ્ચિક રાશિમાં પ્રવેશતાની સાથે પણ નવપંચમ રાજયોગ રચાશે. જાણો કઈ રાશિને થશે ફાયદો.
13 નવેમ્બરે બુધના સંક્રમણ સાથે ગુરુ અને બુધનો નવપંચમ રાજયોગ રચાયો છે. હવે 16 નવેમ્બરે સૂર્ય વૃશ્ચિક રાશિમાં પ્રવેશતાની સાથે જ ગુરુ અને સૂર્ય પણ નવપંચમ રાજયોગ રચશે. ગ્રહોનો આવો સંયોગ લગભગ 12 વર્ષ પછી થાય છે. જ્યોતિષીઓનું કહેવું છે, કે આ રાજયોગ જે રાશિના જાતકોની કુંડળીમાં સ્વામી ગુરુ, બુધ, શુક્ર કે સૂર્ય છે તેમાં સક્રિય બનશે. ચાલો જાણીએ કે આ નવપંચમ રાજયોગ કઈ રાશિઓને લાભ આપશે.
વૃષભ: નવપંચમ રાજયોગ વૃષભ રાશિના લોકોને કરિયર-વ્યવસાયમાં લાભ આપશે. નોકરીમાં નવી તકો પણ મળી શકે છે. વેપાર કરનારાઓને પણ ઘણો ફાયદો થશે. રોકાણ કરવા માટેનો યોગ્ય સમય છે.
મિથુન: નવપંચમ યોગ મિથુન રાશિના લોકોના સુતેલા ભાગ્યને જગાડી શકે છે. નવી નોકરીની ઓફર મળી શકે છે. ધન લાભ થશે અને સ્વાસ્થ્ય પણ સારું રહેશે. આવકના સાધન વધવાની સંભાવનાઓ છે.
કર્કઃ નવપંચમ યોગના કારણે કર્ક રાશિના જાતકોને ભાગ્યનો સાથ મળશે. લાંબી મુસાફરીથી લાભ થશે. રોકાણ માટે સમય સાનુકૂળ છે. જેઓ નવું કામ શરૂ કરનારા છે, તેમને ચોક્કસપણે લાભ પ્રાપ્ત થશે.
તુલા: આ રાજયોગ તુલા રાશિના લોકોને ધનની પ્રાપ્તિ કરાવશે. વાણી શક્તિ પર કામ થશે. અચાનક કોઈ સારા સમાચાર મળી શકે છે. આકસ્મિક ધન લાભ થઈ શકે છે. રોકાણ માટે સમય સાનુકૂળ છે.
કુંભ: નોકરી-ધંધા કરતા લોકો માટે સમય સારો છે. આ સમયગાળામાં કરેલી મહેનતનું પરિણામ ખૂબ જ સારું મળશે. તમને નવી નોકરીની ઓફર પણ મળી શકે છે. રોકેલા કામો ઝડપથી પૂર્ણ થશે.
જ્યોતિષશાસ્ત્ર અનુસાર, જ્યારે પણ ગ્રહો સંક્રમણમાં હોય છે, ત્યારે ગ્રહોની યુતિ અને રાજયોગ બને છે. જ્યારે પણ કેટલાક વિશેષ ગ્રહોના સંબંધમાં રાજયોગ બને છે, ત્યારે તે ગ્રહો સંબંધિત રાશિઓનું ભાગ્ય વધે છે. વૈદિક જ્યોતિષ અનુસાર 11 નવેમ્બરથી ગુરુ અને શુક્ર દ્વારા નવપંચમ રાજયોગ રચાયો છે. બીજી તરફ 13 નવેમ્બરથી બુધના સંક્રમણ સાથે ગુરુ અને બુધનો નવપંચમ રાજયોગ પણ રચાયો છે અને 16 નવેમ્બરે સૂર્ય વૃશ્ચિક રાશિમાં પ્રવેશ કરશે તો ગુરુ અને સૂર્યમાં પણ નવપંચમ રાજયોગ રચાશે. આવી સ્થિતિમાં જે રાશિનો સ્વામી ગુરુ, બુધ, શુક્ર કે સૂર્ય છે તેમનો રાજયોગ સક્રિય થશે. જો કે આવી ઘણી રાશિઓ છે જેનો તેમના પર વિશેષ પ્રભાવ પડશે.
