પ્રધાનમંત્રીએ કહ્યું હતું કે, “આ ભારતને વૈશ્વિક બુલિયન માર્કેટમાં યોગ્ય સ્થાન પ્રાપ્ત કરવા અને પ્રામાણિકતા અને ગુણવત્તા સાથે ગ્લોબલ વેલ્યુ ચેઇનની સર્વિસ માટે સક્ષમ બનાવશે. તે મુખ્ય ગ્રાહક તરીકે વૈશ્વિક બુલિયનના ભાવને પ્રભાવિત કરવામાં ભારતને સક્ષમ બનાવવા માટે ભારત સરકારની પ્રતિબદ્ધતાને પણ પુનઃ લાગુ કરશે.” આ ઉપરાંત વડાપ્રધાન એનએસઇ આઇએફએસસી-એસજીએક્સ કનેક્ટ લોન્ચ કરશે. આ સિસ્ટમ હેઠળ સિંગાપોર એક્સચેન્જ લિમિટેડ (SGX)ના સભ્યો દ્વારા મૂકવામાં આવેલા નિફ્ટી ડેરિવેટિવ્ઝ પરના તમામ ઓર્ડરને એનએસઇ-આઇએફએસસી ઓર્ડર મેચિંગ અને ટ્રેડિંગ પ્લેટફોર્મ પર મોકલવામાં આવશે અને મેચ કરવામાં આવશે.
આ પણ વાંચો – રાજનાથ સિંહે કહ્યું- ચીન પર નહેરુની ટીકા કરીશ નહીં, કોઇની નીતિ ખરાબ હોઇ શકે છે નિયતિ નહીં
ઉલ્લેખનીય છે કે ગિફ્ટ સિટી ખાતે આવેલી ઈન્ટરનેશનલ ફાઇનાન્શિયલ સર્વિસીસ સેન્ટર ઓથોરિટી (IFSCA) જે ભારતમાં આંતરરાષ્ટ્રીય નાણાંકીય સેવા કેન્દ્રો (IFSCs)માં નાણાકીય ઉત્પાદનો, નાણાંકીય સેવાઓ અને નાણાંકીય સંસ્થાઓના વિકાસ-નિયમન માટે એકીકૃત નિયમનકાર છે. IFSCAના મુખ્યાલયની ઈમારતની આઈકોનિક સ્ટ્રક્ચર તરીકે પરિકલ્પના કરવામાં આવી છે, જે અગ્રણી આંતરરાષ્ટ્રીય નાણાકીય કેન્દ્ર તરીકે GIFT-IFSCની વધતી જતી વિશેષતા અને કદને પ્રતિબિંબિત કરે છે.
કનેક્ટ પ્લેટફોર્મ ગિફ્ટ-આઇએફએસસી ખાતે ડેરિવેટિવ્ઝ બજારોમાં લિક્વિડિટીને વધુ ગાઢ બનાવશે. કનેક્ટ મારફતે ડેરિવેટિવ્ઝના વેપાર માટે ભારત અને આંતરરાષ્ટ્રીય અધિકારક્ષેત્રોના દલાલો અને ડીલરો મોટી સંખ્યામાં ભાગ લે તેવી અપેક્ષા છે. નિવેદનમાં કહેવામાં આવ્યું છે કે, વડાપ્રધાનની મુલાકાત દરમિયાન કેટલીક મહત્વની જાહેરાતો પણ કરવામાં આવશે.
ગુજરાતના મુખ્યમંત્રી ભૂપેન્દ્ર પટેલ, કેન્દ્રીય ગૃહ અને સહકાર મંત્રી અમિત શાહ, કેન્દ્રીય નાણાં અને કોર્પોરેટ બાબતોના મંત્રી નિર્મલા સીતારમણ, કેન્દ્રીય નાણાં રાજ્યમંત્રી પંકજ ચૌધરી અને ભાગવત કિશનરાવ કરાડ આ કાર્યક્રમોમાં હાજરી આપશે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: GIFT City, પીએમ મોદી, મોદી સરકાર
